مسئلہ:- امت کی کتنی قسمیں ہیں؟ کیا کفار بھی امت میں داخل ہیں یا نہیں؟
بسم اللہ الرحمٰن الرحیم
الجواب بعون الملک الوھاب
امت اس قوم کو کہتے ہیں جس کی جانب کوئی رسول بھیجا جائے۔
کفار بھی امت میں داخل ہیں
اور امت کی دو قسمیں ہیں
(1) امت دعوت
(2) امت اجابت
امت دعوت میں تمام لوگ شریک ہیں البتہ جو لوگ نبی کریم صلی اللہ علیہ وسلم پر ایمان لائے وہ امت اجابت میں بھی داخل ہیں۔عمدةالقاري شرح صحيح البخاري میں ہے: امة محمد صلى الله عليه وسلم تطلق على معنيين: امة الدعوة وهي من بعث اليهم و امة الاجابة وهي من صدقه و آمن به.( عمدة القاري،ج:٢، ص:٣٧٦، كتاب الوضوء، دار الكتب العلميه)
اسى میں ہے:
کل من على وجه الارض من المسلمين والكفار امته. اما المسلمون فانهم امة اجابية و اما الكفار فانهم امة دعوة.( ايضا،ص:٢٦٧، كتاب العلم)
ایسا ہی فتاویٰ رضویہ جلد ۱۴ صفحہ ۳۰۴ پر بھی ہے
واللہ تعالیٰ اعلم
۱۹ شوال المکرم ۱۴۴۵ ھجری
۲۹ اپریل ۲۰۲۴ عیسوی دوشنبہ
Tags:
عقائد کا بیان