ہزاری روزہ کے متعلق ایک شبہ کا ازالہ

مسئلہ:- 26، 27 رجب المرجب کو روزہ رکھنے کے متعلق ہزاری روزہ جسے کہتے ہیں کیا اسے رکھنے؛ سے ہزار روزے کا ثواب ملتا ہے اور یہ روایت معتبر ہے یا نہیں ؟ 

بسم الله الرحمن الرحیم

الجواب بعون الملک الوھاب

روزہ رکھنے میں مضائقہ نہیں مگر جو ثواب کے متعلق مشہور ہے اس کا ثبوت نہیں - 

حضور صدرالشریعہ علامہ امجد علی اعظمی حنفی متوفی ۱۳۶۷ ھ فرماتے ہیں کہ - رجب کی ۲۶ و ۲۷ کو روزے رکھتے ہیں ، پہلے کو ہزاری اور دوسرے کو لکھی کہتے ہیں یعنی پہلے میں ہزار روزے کا ثواب اور دوسرے میں ایک لاکھ کا ثواب بتاتے ہیں ۔ ان روزوں کے رکھنے میں مضائقہ نہیں ، مگر یہ جو ثواب کے متعلق مشہور ہے اس کا ثبوت نہیں ۔

(بہار شریعت حصہ ۱۶ مجالسِ خیر)

والله تعالیٰ اعلم

کتبہ محمد معصوم رضا نوریؔ عفی عنہ 

۲۲ رجب المرجب ۱۴۴۵ ھجری

۳ فروری ۲۰۲۴ عیسوی شنبہ