ٹخنوں سے نیچے پاجامہ میں نماز کا حکم

مسئله:- نماز میں پائجامه کو ٹخنوں کے نیچے لٹکاکر پڑھنا کیا ہے؟

:بِســــمِ الــــلّٰهِ الرَّحــــمٰنِ الرَّحِــــیْم 

:الجــــواب بعــــون المـــــلک الـــــوھاب 

نماز میں پائجامه کو ٹخنوں کے نیچے لٹکاکر نماز پڑھنا مکروہِ تنزیہی ہے اور اگر تکبر کے ساتھ لٹکایا ہے تو اس صورت میں نماز مکروہِ تحریمی ہوگی اسے طرح ایک سوال کے جواب میں حضور اعلیٰ حضرت رضی ﷲ عنه فرماتے ہیں

ازار کا گٹوں سے نیچے رکھنا اگر برائے تکبر ہو تو حرام ہے اور اس صورت میں نماز مکروہِ تحریمی ورنه مکروہِ تنزیہی اور نماز میں بھی اس کی غایت اولٰی اور صحیح میں ہے صدیق اکبر رضی ﷲ عنه نے عرض کی یا رسول اللّٰهﷺ میرا تہبند لٹک جاتا ہے جب تک میں اس کا خاص خیال نه رکھوں فرمایا لست من یصنعه خیلاء تم‌ان میں نہیں ہو جو براہ تکبر ایسا کریں فتاویٰ عالمگیریه میں ہے

اسبال الرجل ازارہ اسفل من الکعبین ان‌لم یکن للخیلاء ففیه کراھۃ تنزیه کذا فی الغرائب 

  ترجمہ کسی آدمی کا ٹخنوں سے تہبند لٹکا کر چلنا اگر تکبر کی بنا پر نه ہو تو مکروہِ تنزیہی ہے غرائب میں یونہی ہے- {فتاویٰ رضویہ مترجم  جلد  ہفتم، صفحه ۳۸۹) 

واللّٰه سبحانہٗ تعالیٰ الاعلٰی ورسولہٗ ﷺاعلم بالصوابــــــــــ

، رضا فاؤنڈیشن لاہور}

۲۳/شعبان المعظم شریف۱۴۴۴ ھجری بمطابق۱۶مــــــارچ ۲۰۲۲عیسوی بروز پنجشنبه ــــــــــــــــــــــــــ جمعرات