مسئلہ :- خطیب کو دونوں خطبہ کے درمیان کچھ پڑھنا چاہیے یا خاموش رہنا چاہیے ؟
بسم الله الرحمن الرحیم
الجواب بعون الملک الوھاب
خطیب کو اختیار ہے
یعنی خطیب دونوں خطبوں کے درمیان ذکر و تسبیح یا درود شریف وغیرہ پڑھنا چاہے تو پڑھ سکتا ہے اور، اگر کچھ نہ پڑھے تو بھی کوئی حرج نہیں,مگر مقتدیوں کے لئے جائز نہیں ۔
جیسا کہ فتاوی امجدیہ میں ہے:
دونوں خطبوں کے درمیان خطیب چاہے تو کچھ پڑھ سکتا ہے یا دعا کر سکتا ہے مقتدیوں کے لئے جائز نہیں ۔
( جلد اول صفحہ ٢٩٩/ باب الجمعہ )
حضور اعلی حضرت امام احمد رضا خان محدث بریلوی علیہ الرحمہ، کا بھی یہی معمول تھا کہ اکثر سکوت فرماتے اور کبھی اخلاص یا درود شریف پڑھ لیتے تھے
( فتاوی رضویہ قدیم جلد سوم صفحہ ٧٦٥)
والله تعالیٰ اعلم
۱۵محرم الحرام ۱۴۴۴ ھجری
۱۴ اگست ۲۰۲۲ عیسوی یکشنبہ